တအာင်းပြည်အတွင်း ထိန်းသိမ်းကာကွယ်ထားတဲ့ ရှားပါးတိရစ္ဆာန်တွေကို ဖမ်းဆီးသတ်ဖြတ်တာ၊ ရောင်းချတာနဲ့ စားသောက်မှုတွေ ပြုလုပ်ပါက ထောင်ဒဏ်နဲ့ ငွေဒဏ်တွေ ချမှတ် အရေးယူခံရနိုင်ကြောင်း PSLF/TNLA က သတင်းထုတ်ပြန်ပါတယ်။

ဆင်၊ ကျား၊ ကျားသစ်၊ တောကျွဲ နဲ့ တောနွားတွေကို ဖမ်းဆီးခြင်း၊ သတ်ဖြတ်ခြင်း၊ ရောင်းချခြင်းတို့ ပြုလုပ်ပါက သဘာဝပတ်ဝန်းကျင် ထိန်းသိမ်းရေးနဲ့ ရှားပါး တိရစ္ဆန်များ ထိန်းသိမ်းကာကွယ်ခြင်းဆိုင်ရာ အမိန့်စာအမှတ် ၁/၂၀၂၁၄ အရ အရေးယူခံရမယ်လို့ PSLF/TNLA ရဲ့ သတင်းနဲ့ ပြန်ကြားရေးဌာနက မေလထဲမှာ ထုတ်ပြန်ပါတယ်။

ဆင်တွေကို ဖမ်းဆီးသတ်ဖြတ် ရောင်းချပါက ထောင်ဒဏ် ၂လဖြစ်ဖြစ်၊ ငွေဒဏ် ကျပ်သိန်းတစ်ရာ ဖြစ်စေ သို့မဟုတ် ဒဏ်နှစ်ရပ်လုံးဖြစ်စေ အရေးယူခံရနိုင်ပါတယ်။

ကျားတွေကို ဖမ်းဆီးသတ်ဖြတ် ရောင်းချပါက ထောင်ဒဏ် ၁လဖြစ်ဖြစ်၊ ငွေဒဏ် ကျပ်သိန်း ၇၀ ဖြစ်စေ သို့မဟုတ် ဒဏ်နှစ်ရပ်လုံးဖြစ်စေ အရေးယူခံရနိုင်ပါတယ်။

ကျားသစ်တွေကို ဖမ်းဆီးသတ်ဖြတ် ရောင်းချပါက ထောင်ဒဏ် ၁လဖြစ်ဖြစ်၊ ငွေဒဏ် ကျပ်သိန်း ၅၀ ဖြစ်စေ သို့မဟုတ် ဒဏ်နှစ်ရပ်လုံးဖြစ်စေ အရေးယူခံရနိုင်ပါတယ်။

တောကျွဲနဲ့ တောနွားတွေကို ဖမ်းဆီးသတ်ဖြတ် ရောင်းချပါက ထောင်ဒဏ် ၁လဖြစ်ဖြစ်၊ ငွေဒဏ် ကျပ်သိန်း ၃၀ ဖြစ်စေ သို့မဟုတ် ဒဏ်နှစ်ရပ်လုံးဖြစ်စေ အရေးယူခံရနိုင်ပါတယ်။

Photo – WWF- Myanmar