ချင်းပြည်နယ်၊ ဟားခါးမြို့နယ်မှာ CDF – Hakha Central Council ရဲ့ ဗဟိုမြေယာနဲ့ သစ်တောဌာနကို တရားဝင်အကြောင်းကြားပြီး မှတ်ပုံတင်ခြင်း မရှိတဲ့ သစ်တွေကို ဇန်နဝါရီလ ၂၁ ရက်မှ စတင်လို့ ဟားခါးမြို့ထဲကို သယ်ယူရောင်းဝယ်ခွင့် ပိတ်ပင်လိုက်တယ်လို့ သိရပါတယ်။

ဒီတားမြစ်ချက်ကို မလိုက်နာရင် မြို့နယ်ဥပဒေအတိုင်း အရေးယူဆောင်ရွက်သွားမယ်လို့ CDF – ဟားခါးဗဟိုကောင်စီက ဇန်နဝါရီလ ၂၁ ရက်မှာ ထုတ်ပြန်ပါတယ်။

တော်လှန်ရေးကာလအတွင်း စီးပွားရေး သစ်ရောင်းဝယ်ခြင်း၊ ထုတ်လုပ်ခြင်းအား ခွင့်မပြုကြောင်း၊ မိမိသုံး၊ အိမ်သုံး၊ အများပြည်သူသုံးမှ လွဲလို့ အခြားဘယ်သစ်တွေမှ သိုလှောင်ခွင့် မရှိကြောင်း CDF – ဟားခါးအဖွဲ့က တားမြစ်မိန့်ထုတ်ပြတာပါ။

လက်ရှိထုတ်ပြန်ချက်နဲ့ မြို့နယ်မြေယာနဲ့ သစ်တောဥပဒေကို မလိုက်နာပါက ဘယ်သူမဆို တရားဥပဒေအတိုင်း အရေးယူဆောင်ရွက်သွားမယ်လို့ သိရပါတယ်။

CDF – Hakha Central Council ဟာ ဟားခါးမြို့နယ်အတွင်း အခြေပြုလှုပ်ရှားတဲ့ ချင်းတော်လှန်ရေးတပ်ဖွဲ့ဖြစ်ပြီး ဟားခါးမြို့သိမ်းတိုက်ပွဲကို ရုန်းတောင်စစ်ဆေးရေးအမည်နဲ့ ဖော်ဆောင်နေပါတယ်။

စစ်ကောင်စီရဲ့ ပြည်နယ်အစိုးရ ရုံးစိုက်ရာ ဟားခါးမြို့နယ်မှာ စစ်ကောင်စီတပ်တွေဟာ မြို့ပေါ်ကိုတာ ထိန်းချုပ်ထားနိုင်ပြီး ကျန်ဧရိယာအားလုံးကို CDF – ဟားခါးက သိမ်းပိုက်ထိန်းချုပ်ထားပါတယ်။

ဓါတ်ပုံ – CDF – ဟားခါး