ထိုင်းနိုင်ငံမြောက်ပိုင်း၊ လန်ဖွန်ခရိုင်မှာ မွေးမြူရေးလုပ်ငန်းရှင် တစ်ဦးက သူမွေးမြူထားတဲ့ မိကျောင်းအားလုံးကို ရေကြီးရေလျှံမယ့် သတိပေးချက်ကြောင့် သတ်ဖြတ်ဖို့ ဆုံးဖြတ်လိုက်တယ်လို့ သိရပါတယ်။
လန်ဖွန်ခရိုင်မှာ ရေကြီးရေလျံမှု ဖြစ်ပွားလာပါက မွေးမြူထားတဲ့ မိကျောင်းတွေ လွတ်မြောက်ပြီး ဒေသခံလူထုကို အန္တရာယ်ပြုမှာ စိုးရိမ်တဲ့အတွက် မွေးမြူရေးပိုင်ရှင်က မိကျောင်းအားလုံးကို သတ်လိုက်ဖို့ ဆုံးဖြတ်ခဲ့တယ်လို့ ဒီနေ့ ထိုင်းသတင်းမီဒီယာတွေမှာ ဖော်ပြပါတယ်။
ခြံပိုင်ရှင် Mr Natthapak ဟာ အဲဒီမီကျောင်းမွေးမြူခြင်းကို ၁၇ နှစ်ကြာ လုပ်ကိုင်လာခဲ့တာဖြစ်ပြီး အဲဒီဆုံးဖြတ်ချက်ကို ခက်ခက်ခဲခဲနဲ့ အရေးပေါ် ဆုံးဖြတ်ချက် ချကာ ပြလုပ်လိုက်ရခြင်းဖြစ်ကြောင်း၊ အဲဒီလုပ်ငန်းကနေ ထိုင်းဘတ် ၁. ၄ သန်းခန့် ဆုံးရှံးခဲ့ရတယ်လို့ သိရပါတယ်။
မိကျောင်းသေတွေကို အေးခဲထားမှာဖြစ်ပြီး နောက်ပိုင်းမှာ အသားတွေကို ရောင်းချသွားဖို့ ရှိတယ်လို့ ဘန်ကောက်ပို့စ်က ရေးသားထားပါတယ်။
သတ်ဖြတ်ခံထားရတဲ့ မိကျောင်းမွေးမြူရေးခြံက ထွက်ပေါ်လာတဲ့ ဓါတ်ပုံတွေအရ မိကျောင်းကောင်ရေ ၃၀ ဝန်းကျင်ကို တွေ့ရှိရပြီး ခြံပိုင်ရှင်က မိကျောင်းအရေအတွက်ကို ပြောဆိုခြင်း မရှိခဲ့ပေ။
ကိုးကား – Bangkok Post၊ Khaosod English
