Connect with us

Hi, what are you looking for?

ဇီဝမျိုးစုံမျိုးကွဲ

ပန်ဒါနီတွေကို မန္တလေးမြို့က ရတနာပုံ တိရစ္ဆာန်ဥယျာဉ်မှာ ထိန်းသိမ်းပြသရေးနဲ့ မျိုးပွားရေး လုပ်မယ်လို့ဆို

ကချင်ပြည်နယ်၊ မြစ်ကြီးနာကနေ သယ်ဆောင်လာတဲ့ ပန်ဒါနီလေးတွေကို မန္တလေးမြို့ရှိ ရတနာပုံ တိရစ္ဆာန်ဥယျာဉ်မှာ ထိန်းသိမ်းပြသနိုင်ရေးနဲ့ မျိုးဆက်ပြန့်ပွားရေး လုပ်ဆောင်နေတယ်လို့ သိရပါတယ်။

ရှားပါးမျိုးစိတ်ဖြစ်တဲ့ ပန်ဒါနီးလေးတွေကို မြစ်ကြီးနားမြို့ကနေ ရန်ကုန်သို့ သယ်ဆောင်လာခဲ့ပြီး ရန်ကုန်တိရစ္ဆာန် ဥယျာဉ်ကတစ်ဆင့် မန္တလေးမြို့၊ ရတနာပုံ တိရစ္ဆာဥယျာဉ်ကို ပြန်လည် သယ်ဆောင်သွားမယ်လို့ တိရစ္ဆာန်ဥယျာဉ် (ရတနာပုံ)က နိုဝင်ဘာလ ၃ ရက် ထုတ်ပြန်ပါတယ်။

ရတနာပုံ တိရစ္ဆာဥယျာဉ်ရဲ့ ထုတ်ပြန်ချက်ဓါတ်ပုံအရ မြစ်ကြီးနားမြို့ကနေ သယ်ဆောင်လာတဲ့ ပန်ဒါနီတွေဟာ ၈ ကောင်ဖြစ်တယ်လို့ ဆိုပါတယ်။

အဆိုပါပန်ဒါနီတွေဟာ အရင်က ရတနာပုံ တိရစ္ဆာန်ဥယျာဉ်မှာ ထိန်းသိမ်းပြသခဲ့ဖူးခြင်း မရှိတဲ့ အကောင်ငယ်တွေ ဖြစ်တယ်လို့ ဆိုပါတယ်။

ပန်ဒါနီတွေဟာ သဘာဝတောတောင်ထဲမှာ အကောင်ရေ တစ်သောင်းအောက် ကျဆင်းနေပြီး မျိုးသုဉ်းရန် အန္တရာယ်ရှိတဲ့ စာရင်းမှာ ပါဝင်နေတဲ့အတွက် မျိုးသုဉ်းခြင်း အန္တရာယ်မှ ကာကွယ်ဖို့နဲ့ မျိုးဆက်ပြန့်ပွားဖို့ ထိန်းသိမ်း ကာကွယ်ခြင်း လုပ်ငန်းတွေကို လုပ်ဆောင်နိုင်ရန် ရည်ရွယ်ကာ ရတနာပုံ တိရစ္ဆာန်ဥယျာဉ်က လုပ်မယ်လို့ သိရပါတယ်။

နီညိုရောင် ထူထူထဲထဲ အမွှေးတွေ၊ တုတ်ခိုင်တဲ့ အမြှီးချောင်း ရှည်ရှည်တွေနဲ့ ချစ်စဖွယ် လှုပ်ရှားပြုမှုတတ်တဲ့ ပန်ဒါနီတွေကို ကိုယ်တိုင်မြင်တွေ့လိုသူတွေအတွက် ရတနာပုံ တိရစ္ဆာန်ဥယျာဉ်ကို လာရောက် လည်ပတ်ရင်း ကြည့်ရှုဖို့ ဖိတ်ခေါ်ထားပါတယ်။