ဒီကနေ့ ဧပြီလ ၅ ရက်မှာ မြန်မာနိုင်ငံထဲက မြို့နယ် ၃ ခုကို ဗဟိုပြုပြီး မီနစ်အနည်းငယ်သာ ကွာခြားကာ မြေငလျင် ၃ ခု ထပ်မံလှုပ်ခတ်သွားတယ်လို့ စစ်ကောင်စီရဲ့ မိုးလေဝသနဲ့ ဇလဗေဒသညွှန်ကြားမှု ဦးစီးဌာနက သတင်းထုတ်ပြန်ပါတယ်။
ဒီနေ့ မြန်မာစံတော်ချိန် ညနေ ၄ နာရီ ၃ မိနစ်မှာ သာစည်မြို့ရဲ့ တောင်- အရှေ့တောင်ဘက် ၇ မိုင်ခန့်အကွာကို ဗဟိုပြုပြီ ရစ်ချ်တာ စကေး ၃.၉ ပြင်းအားရှိတဲ့ ငလျင်ဟာ အနက် ၁၀ ကီလိုမီတာနဲ့ လှုပ်ခတ်သွားတယ်လို့ ဆိုပါတယ်။
ညနေ ၄ နာရီ ၅ မိနစ်ခန့်မှာ တောင်ငူမြို့ရဲ့ မြောက်ဘက် ၅ မိုင်ခန့်အကွာကို ဗဟိုပြုပြီး ရစ်ချ်တာ စကေး ၃.၂ အင်အားရှိတဲ့ ငလျင်ဟာ အနက် ၁၀ ကီလိုမီတာနဲ့ လှုပ်ခတ်သွားတယ်လို့ သိရပါတယ်။
ဒါ့အပြင် ညနေ ၄ နာရီ ၁၄ မီနစ်ခန့်မှာ ရေတာရှည်မြို့ရဲ့ အရှေ့မြောက်ဘက် ၁၉ မိုင်ခန့်အကွာကို ဗဟိုပြုပြီး အနက် ၁၀ ကီလိုမီတာ၊ ရစ်ချ်တာစကေး ၃.၂ အင်အားရှိတဲ့ ငလျင် လှုပ်ခတ်သွားတယ်လို့ မိုးဇလက ဆိုပါတယ်။
မတ်လ ၂၈ ရက်က စစ်ကိုင်မြို့အနီးကို ဗဟိုပြုပြီးတော့ ရစ်ချ်တာစကေး ၇.၇ အင်အားရှိတဲ့ ငလျင်ကြီး လှုပ်ခတ်ပြီးနောက် ဒီနေ့ ဧပြီလအထိ နောက်ဆက်တွဲငလျင်ပေါင်း ၈၅ ကြိမ်အထိ လှုပ်ခတ်ထားတယ်လို့ သိရပါတယ်။
