ကချင်ပြည်နယ်၊ ဖားကန်မြို့နယ်ထဲက စပေါ့ကျေးရွာမှာ ဒီနေ့ မနက်အစောပိုင်းမှာ နွံကန်ပေါက်ကျတာကြောင့် လူ ၁၀ ဦးကျော် သေဆုံးပြီး လူအများအပြား ပျောက်ဆုံးနေတယ်လို့ ဒေသခံတွေက ပြောပါတယ်။
ဒီနေ့ နံနက်ပိုင်း ၁ နာရီဝန်းကျင်မှာ ဖားကန်မြို့နယ်၊ ဆိပ်မူကျေးရွာအုပ်စု၊ စပေါ့ကျေးရွာအနီးက ကျောက်စိမ်းတွင်းဟောင်း တခုရဲ့ နွံကန်ဟာ ရုတ်တရုတ် ပေါက်ကျလာတာဖြစ်ပြီး ရွာထဲက အိမ်ခြေ ၅၀ ဝန်းကျင် နစ်မြှုပ်သွားတယ်လို့ သိရပါတယ်။
လတ်တလောမှာ ကလေးငယ် ၄ ဦးအပါအဝင် အလောင်း ၁၂ လောင်းကို ရှာဖွေတွေ့ရှိထားပြီး ပျောက်ဆုံးနေသူတွေက ၅၀ ထက်မနည်း ရှိနိုင်တယ်လို့ ဒေသခံတွေက ပြောပါတယ်.
“ဒီနွံကန်အိုင်က တော်တော်လေးဆိုးနေတာ သိရက်နဲ့ဆက်ပြီး လာသွန်နေတာလေ။ အဲ့တော့ အောက်ကနေဖြေဖြေခြင်း ပေါက်ကျလာတာပါ။ သေဆုံးမှုတွေထဲမှာ ရှာဖို့က အများကြီးကျန်ပါသေးတယ်”ဟု ဒေသခံတဦးက ပြောပါတယ်။
၂၀၂၃ ခုနှစ် ဇွန်လမှာလည်း ဖားကန့်မြို့နယ် အေးမြသာယာအုပ်စု မနမှော်ထဲက ကျောက်စိမ်းလုပ်ကွက်ဟောင်းမှာ မြေပြိုမှုဖြစ်ပွားလို့ ရေမဆေးရှာဖွေသူ ၃၀ ကျော် သေဆုံးခဲ့ပါတယ်။
ဓါတ်ပုံများ – CJ
