စစ်ကိုင်းတိုင်း၊ ယင်းမာပင်မြို့နယ်၊ အလောင်းတော်ကသပအမျိုးသား ဥယျာဉ်အတွင်းက CDM ဆင် (၂၇) ကောင်ကို ဒေါင့်သန်းရောဂါကာကွယ် ဆေးထိုးနှံပေးခဲ့တယ်လို့ သိရပါတယ်။
ဒီနှစ် မေလပထမပတ်အတွင်းမှာ အမျိုးသားညီညွတ်ရေးအစိုးရ၊ သယံဇာတနဲ့ သဘာဝ ပတ်ဝန်းကျင် ထိန်းသိမ်းရေး ဝန်ကြီးဌာန၊ ယင်းမာပင်မြို့နယ် သယံဇာတ စီမံအုပ်ချုပ်ရေးအဖွဲ့မှ တာဝန်ရှိသူတွေနဲ့ ဆင်အဖွဲ့မှ ဆင်ဦးစီးတွေက အာဏာသိမ်းစစ်ကောင်စီ လက်အောက်မှ CDM လုပ်ထားတဲ့ ဆင်တွေ စုစုပေါင်း ၂၇ ကောင်ကို ဒေါင့်သန်းရောဂါ ကာကွယ် ဆေးထိုးနှဲပေးခဲ့တာဖြစ်ပါတယ်။
၂၀၂၁ ဩဂုတ်လက ဆင်ဦးစီး ၃၁ ဦးနဲ့ ဆင် ၃၇ ကောင်တို့ဟာ စစ်ကိုင်းတိုင်းထဲက ယင်းမာပင် PDF တပ်ရင်း – ၁ ဆီကို CDM ပြုလုပ်ခဲ့ပါတယ်။
CDM ပြလုပ်ထားတဲ့ ဆင်တွေနဲ့ ဆင်ဦးစီးတွေကို လက်ရှိမှာ ဘေးကင်းတဲ့ လွတ်မြောက်နယ်မြေတွေမှာ ထိန်းသိမ်းစောင့်ရှောက်ထားတယ်လို့ သိရပါတယ်။
ဆင် ၃၇ ကောင်ထဲမှာ ဆင်ကလေး ၂ ကောင်ပေါက်ထားသလို ကိုယ်ဝန်လ ၂၀ ခန့်ရှိတဲ့ ဆင်မကြီး နှစ်ကောင်းလည်း ရှိနေတယ်လို့ သိရပါတယ်။
