ကချင်ပြည်နယ်၊ ပူတာအိုမြို့နယ်၊ မူလာဒီကျေးရွာကို ဝင်ရောက်လာပြီး ဒေသခံ ၄ ဦးကို သတ်ဖြတ်ခဲ့တဲ့ ဆင်ကို ၅ ရက်အကြာ ဒီနေ့ ဧပြီလ ၂၁ ရက်မှာ ဒေသခံပြည်သူ့စစ်တပ်ဖွဲ့က ပစ်သတ်လိုက်တယ်လို့ ဒေသခံတွေထံမှ သိရပါတယ်။
ဒီနေ့ နေ့လည် ၁၂ နာရီလောက်မှာ မူလာဒီကျေးရွာအနီးက တောထဲမှာ ပြည်သူ့စစ်တပ်ဖွဲ့က သတ်ဖြတ်လိုက်တာဖြစ်ပြီး လက်ရှိမှာ မူလာဒီကျေးရွာနဲ့ ရီကျော်ဒီကျေးရွာတို့က ဆင်အန္တရာယ်ကို တိမ်းရှောင်နေတဲ့ ဒေသခံတွေ နေရပ်ပြန်လာနေကြပြီးလို့ သိရပါတယ်။
အဲဒီတောဆင်ရိုင်းဟာ ဧပြီလ ၁၇ ရက်နဲ့ ၁၈ ရက်တွေမှာ ဒေါ် တာမာဟဲ့ (၃၈နှစ်)၊ ဒေါ် ငွါးယော်နာ (၃၃ နှစ်)၊ ဒေါ် ရှောရဲ့ဟဲ့ (၇၅ နှစ်) ၊ ဒေါ် ဒူးမာဟာ (၈၁ နှစ်) တို့ကို နင်းသတ်တာကြောင့် အသက်ဆုံးရှုံးခဲ့ရပြီး ဒဏ်ရာရရှိသူတွေဟာ ဆေးကုသမှု ခံယူနေရကြောင်း၊ နေအိမ်အများအပြားလည်း ပျက်စီးကြောင်း Myaw Lint Yar – Hope အဖွဲ့က ထုတ်ပြန်ထားပါတယ်။
ဓါတ်ပုံများ – အားခီ၊
